الاثنين، 11 أبريل 2016
المتعاقدين في سلك التعليم
قضية المتعاقدين اللي راها دايرا حالة الوقت الأخير على خاطر مراهمش يحوسو يفوتو على المسابقة نتاع التعليم ويحوسو يترسمو ديراكت ودارو احتجاجات واسعة واضراب عن " الحياة " في بودواو،،، للتوضيح فقط مرانيش ندافع عليهم بصح نقدر نقول الحق لوكان على نفسي نشوف بلي أغلبيتهم أو الكثرة منهم عندهم الحق أنهم يترسمو كيفاش واحد متعاقد واستخلاف من عام 2000 تقولولو فوت المسابقة ؟ المسابقة أساسا راها تقيس أهلية الانسان للتعليم ونظن واحد قديم ومغبر لهذي الدرجة لا إشكال في الأهلية تاعو مع أنو مهوش مترسم ولكن راه قرا بزااااااااااااااااااااااف والله غير الواحد يشوفهم يحشم غير الراجل اللي يبان في التلاثينات والمرا اللي كيفكيف ،،،والله غير عيب الراجل حاب يتزوج يدير دار ويجيب وليداتومنسحقش فلسفة نتاعكم متحسبوش خدمتو هذي كمتعاقد رايحا تجملو حق الدار -_- وقيل حق الشرط متجيبوش وكاين ناس راه موراه عايلة وهوا اللي خدام على دارهمفقط للتوضيح منيش متعاقدة أو مستخلفة ولكن أنا من الجماعة اللي تخرجت وحابا تدخل للمسابقة ولكن والله غي نشوف من حقو هذاك اللي عندو دهر كمتعاقد يترسم ديراكت يالوكان على حساب البوست تاعي ميهمنيش + اللي يقولو راهم داخلين بالمعريفة ؟؟وين راها المشكلة كي تكون مؤهل جدا وداخل بالمعريفة يخي بلادنا هذا شا فيها وأنت اللي راك تحل في فمك عليهم كون تدخل معاهم في مسابقة يغلبوك ومتبانش معاهم على خاطر كانوا أصلا مؤهلين بصح تحتم عليهم العرف باش يلقاو بلاصا متديروش رواحكم متعرفوش بلادنا stp واحد ميضحك على خوه أما المتعاقدين غير كيما ومعندهمش مدة طويلة يعني غير هذا العام أو اللي قبلو أو اللي داخل معريفة وهموش أصلا إنسان مؤهل فنقوللهم WHOW hold back -_- في النهاية الأرزاق بيد الله ومش عيب الإنسان يسعى لرزقو ،،،ايه نسيت مذكرتش المسابقة الشفهية كي كانت فيها كافة أنواع الخروقات والمعريفة علاه واحد محاسبهم يحاسبو غير الموطن كي يجي يطلب حقو أنا شفت جماعة تخرجو في اللحظة ومدولهم نقاط خبرة وكاين اللي وقيل مهمش حتى متخرجين ههههههههههههههههههههههههههههههههههههههبفففففففف بلاد نتاع الهف
السبت، 9 أبريل 2016
نشارككم سر
بلاك كاين ناس يعرفوها
مي كاين الناس اللي ميعرفوهاش
نهار تحط حاجا في كشما بلاصة ومبعد تنساها
أو تضيع منك حاجا
وتقلب الدنيا ومتصيبهاش
-_- أصبر علاه حتان تقلب الدنيا
أقرا ديراكت سورة الضحى
وبإذن الله رايح تصيب الحاجا اللي راك تحوس عليها
متقولش نجرب ونشوف
كون متيقن من النتيجة
اليقين بمفعول الشيء هو الصح
أنا علماتهالي ماما وسييتها 1000 فوا مرات نكمل السورة ونحوس شوية تا نصيب الحاجا ومرات منلحقكش حتى نص السورة نصيبها وديفوا غير ننوي نقرا سورة الضحى نصيب الحاجا
لدرجة اني شكيت بللي الحوايج المختفية تخاف سورة الضحى هيهيهيه
قلتها لحباباتي
ومام هوما أكدوهالي النتيجة
أنت وأنتِ سيوها وعلموها لناسكم
معا للقضاء على الزهايمر في الجزائر
ههههههههههههههههههههههههههههه
نهار تتقلق عبر ولكن بالطريقة الصحيحة
اليوم اكتشفت بلي قادر تكون مقلق ومش عارف روحك بلي مقلق °-°
نو مراكش مليح حبيبي T-T
أنت برك من النوع اللي من كثرة الكبت جاه تبلد
ملي كانت الناس ترغي وتعيط وترجع صرف أنت كنت إنسان عاقل
بصح يجي نهار يفيض الكيل وفجأة تولي غول
عمباتلك الناس يتفكرلك نهارات الرزانة نتاعك نوووووووو حبيبي
مالا تعلم تعبر والحاجا اللي متعجبكش قول بكل ثقة وبهدوء معجبتنيش (بطريقة حضرية مترجعهالناش وحدا من افلام هالك -_- )وأعرف بلي في البداية رايحا تكون مجرد خيبة أمل ولكن خيبة مور خيبة توليلك قلق والقلق اللي ميخرجش يولد ضغط والضغط يولد انفجار فهمت حبي ؟
نرجعو لنقطة عبر على الحاجا اللي في قلبك أنا كامرأة عادي قلبي يتعمر يتعمر ومبعد نبكي قد مخزون الجزائر نتاع السدودوفجأة نلقا روحي مرتاحة علبالي تصرالكم البنات بصح ديفوا نكونوا زعفانين حتى لدمعة متحبش تطيح ليستا قصيرة للمساعدة الاستغفار ( على ضمانتي ) شوية هكا بعد الاستغفار يأتيك الفرج من حيث لا تدري ،،، ورااااح القلق والزعاف حسبي الله لا اله الا هو عليه توكلت وهو رب العرش العظيم ( 7 مرات) يكفيك الله ما أهمك من هم الدنيا والآخرة قولها وأخبطها برقدا ( راك متخيل كي تخلي كلش على ربي وربي هوا اللي يتولى أمورك يخي ؟ شفت غير تتخيلها ترتاح مالا هذي هي
تفرج فلم كوميدي ولا رومنسي كوميدي ولا رعب أنا شا عرفني على ذوقك بعد برك على التراجيديا والنهايات الحزينة تحس باتري شارجي بعدما تتفرج روح عند صحباك والله غير ينحوا على الخاطر بالجياح تاعهم ربي يخليهممارس الرياضة يا وليد عمي -_- منك تنقص قلقة منك تدخل الدوارة اللي خرجت أما الطفلة فأضربي سرب العصافير كامل بحرجة وحدا ومارسي الرياضات العنيفة هيهيهيهيهيهيهيه ( آكي عارفا الميناج خدمة الدار الكوزينة منها تنقصي قلقة + تربحي دعاوي الخير من عند الخالة + تتمرسين وتزيدي في الخبرة نتاعك هوهوهوهو + ضيافك يجو يعرفو بلي نتي مولات بيت فحلة + هذا هو النهار الوحيد اللي هوا نتاع الميناج الكبير طبعا اللي تولي فيه شيكورة الدار شيش خوك يجي يعفس تضربيه بالبالي ومستحيل يهدر لأنو هنا السيدة الوالدة والسيد الوالد ياريحن يبهدلوووووه مالا احقريه وزيدي )
كاين بزاف صوالح أكيد ينحوا القلقة حسب ميولات الانسان كاين وحدين ناس مثقفين ربي يلحقنا بيهم غير يقرا كتاب يسولاجي وكاين الفنانين يرسم يسولاجي أما حنا -_- هعهعهعههععهه
خلي على قراءة القرآن الوضوء ثان (يبرد الزعاف) والصلاة ووين كاين ربي ديما كاين راحة البال
فقير
الفقر
هل تذوقته يوما ؟
أتمنى أنك لم تفعل
،،،
ربما كثير منكم فعل
الفقراء وحدهم من يعرف معنى الفقر
قد يعتقد البعض أنه بيتك المهترئ الذي يقطر سقفه ماءا كلما نزلت الأمطار
البيت الذي تخجل من استقبال أصدقائك فيه
أو أثاث بيتك الرث
أو خزانة ملابسك التي لا تملك فيها سوى بدلة أو بدلتين تتناوب عليهما طيلة خمس سنوات( ربما لا تملك حتى خزانة)
أو جواربك التي بها ثقب ما وتخشى أن يراه احدهم إذا ما أنت نزعت حذاءك
،،،
يعتقد البعض أنها يداكي العاريتان من الذهب والفضة
أو أنها عدم إمتلاكك لسيارة
أو كل تلك الليالي التي تقضيها جائعا
وربما تتناول فيها رغيف خبز حتى تمل معدتك منه
،،،
من الممكن أنهم يظنون أن الفقر هو اشتهاءك اللحم
أو عدم قدرتك على شراء أضحية العيد
إنهم حتما يرون أن الفقر أن تبدو باليا وشاحبا بين أصدقاءك
أو الحرقة التي تصيبك عند عدم قدرتك على تلبية احتياجات أطفالك
أو لأنك ترى النساء تلبس وتتبرج بينما قسى جسد زوجتك وذبل وجهها
ربما تظنه إبنا يحاول مساعدة والديه لكنه أبدا لا يصل
،،، لا يصل ،،، لا يصل ،،، لا يصل ،،،
يمكن أن الناس تراه فردا من أسرتك بحاجة لعلاج أو عملية بمبالغ باهظة
هل تعتقد انه ذلك الألم والأنين لمريض في بيتك وأنت لا تستطيع فعل شيء من أجله
،،،
إنك حقا اقتربت
الفقر هو هذا وذاك
لكن عليك أن تنظر أبعد
إنه سجنك وقيودك
مهما فعلت فأنت لا تصل ،،، لا تصل ،،،
ومهما تقدمت
دائما ما تعود إلى نقطة البداية
إنه العجز
إنه رغبتك في تقديم شيء لمن تحب لكنك لا تقدم شيئا
،،،
إنه من دفع " الحراق " إلى الخروج من بلده وتسبب بذرف دموع أمه
إنه يبكي أمك
إنه من دفع قليلي الإيمان لارتكاب المعاصي
إنه من دفعك للتمرد
والغضب
إنه من هدم ثقتك
وما أبكاك بشدة
إنه الجاذبية التي تسحبك للأرض
يكبلك
كيف لا يفعل
،،،
لا تحاول أن تكون مثاليا ومعنويا معي
لا أريد مواساوتك أبدا
لا أريد حتى شفقتك
لا تخبرني بكل الأمور لرفع معنوياتي
أنت لم تكن فقيرا مطلقا
لا تتحدث عن الفقر إذا لم تكن من الفقراء
أنت لن تعرفه
لن تفهمه أبدا ما لم تجربه
،،،
ثم إياك أن تلوم المتذمر من الفقر على تذمره
عزيزي
أنت لم تعش يوما من أيام حياته
لربما عجزت أنت عن نيل علامة كاملة في امتحان ما
هو عجز عن دخول المدرسة
لربما عجزت أنت عن شراء الفيلا التي كنت تحلم بها
هو عجز عن ايجاد بيت
أو قطعة القرب قرب الساحل
هو لم يفكر مطلقا في كل الضروريات فكيف يفكر في الرفاهيات
لربما أنت حزين على والدتك التي قدمت لها كل أساب العلاج لكنها لم تشفى
هو لم يتمكن حتى من أخذ والدته للمستشفى
أنت تبذل وهذا كافي
هو عجز عن كل شيء
،،،
هل تعرف معنى أن يبكي رجل بسبب فقره
هل بكى والدك فقره يوما
هل أصابتك حمى يوما ما
وبينما أنت بين صحوك ونومك
تسمع أخاك الأكبر يبكي ويصرخ في وجه والدتك
" لماذا أنجبتنا ،،، إذا كنت تعرفين أنكم فقراء فلم يكن هناك داع لتعذيبنا معكم "
هل اجتمعت أنت وأخوتك على ماء تغلي فيه بضع جزرات للعشاء ؟
هل عشت لأيام طويلة على شمعة لأن والدك لم يكن قادرا على دفع فاتورة الكهرباء
هل احتقروك وقللوا من شأنك لأنك لا تملك الأموال ولأن مظهرك يدل على الفقر
،،،
هل كنت تشعر بأنك مستضعف ثم أخبرتك والدتك أن هناك من يعاني أكثر منك وأن هناك من هو أفقر منك
فتتألم بذلك مرتين
والدتك ظنت حينها أنها تعطيك أملا
لكنها جرحتك أكثر
وجعلت مساحة عجزك تكبر
لا تستطيع مساعدة نفسك
أو مساعدتهم
،،،
الفقر أن تبدو وكأنك تقف مكتوف الأيدي ولكنك في الواقع تصارع
هل تفهم لماذا قال عمر رضي الله عنه " لو كان الفقر رجلا لقتلته "
،،،
الأربعاء، 6 أبريل 2016
it's simply LOVE
الحب يا عزيزي
لا يتطلب منك أنت تكون مثاليا لأجلي
،،،
ففي عيني أنت أكثر الرجال وسامة في العالم
لأنك ببساطة " رجلي "
_________________________________________ u r my man
أعشق تفاصيلك الصغيرة
طريقتك في الوقوف
مشيتك
ضحكتك
صوتك خصوصا عندما تبدأ في تقليدي
الطريقة التي تقضم بها أظافرك
ويداك
رباااه
يداك مغريتان
تضحك كل مرة حين أطالبك بأن ترفع يديك وتريني إياهما
لكنك لا تفهم
إنها حقا جميلتان
كبيرتان ، صلبتان وحنونتان جدا
أصابعك خلقتا لأقبلها كلما أتيحت لي الفرصة
________________________________________ ur hands ferflect how kind u r
أجمل لحظات الحب
هي الإمساك بيد من تحب
أنت فقط تبعث له الكثير من ذبذبات الأمان دون أن تقصد ذلك
________________________________________ Holding hands
يدهشني كم الجمل التي نستطيع أن نقولها فقط من خلال تشابك أيدينا
إبق
لا أريدك أن ترحل
أحبك بشدة
لن أتركك مهما حدث
سعيد لإني التقيتك
اسمح لي أن أكون قوتك
أنا معك مهما حصل
التواجد في تماس معك يشرعرني بالإطمئنان
لا لوم على الرجال بعد الآن
عزيزتي الفتاة
بلاااااكي تجي تشتكي وتقولي راجل تبلاني
أنتي ريقلي روحك سع يا المايعة
متقوليليش راني لابسة جلابة ومطلقونيش
بفففف
لابسا جلابة ضيقة وأنتي الله يبارك ماتريال ما شاء الله
poitrine اونديري نتاع بقرة
les fesses اونديري نتاع فيل
الزنود الله الله
وتجي تقولي الطفل تبلاني
لالا ختي هوا متبلاكش
هو تصرف تصرف طبيعي اتجاه عشرة كيلو لحم اللي راها تتباع عندك
بلاكي تضحكي على اللي لابسا سليم وكوبي
أنت أسوء منها
،،،
السيد الوالد نتاعك مفهمتش من واش مخدوم يشوفك هكاك ويخليك تخرجي بدل ميملدك قيمتك ويعرفك حدودك
والسيدة الوالدة نتاعك كيفكيف
شوية حياااء
أرحموا الرجال برا
ومتقوليش غض البصر
لالالالالالا اختي نهار نتي تتريقلي هوا يغض بصرو
اذا البنات ويشوفو فيك كيفاش مدايرا
كيفاش اللي هوا راجل
وعندو الهايبوتالاموس أربع مرات حجمها أكبر من الهايبوتالاموس نتاع المرأة
تحوسيه ميشوفش فيك ؟؟
آآآ نتي مكيش مثقفة متعرفيش وش الهايبوتالاموس على خاطر بدال مكنتي تتثقفي كنتي تضلي في الشوراع
ميبردش قلبك غيرلا لاحلك راجل كلمة كومكوا عندك جسم شباب ولا وجهك شباب ( مع كل احتراماتي عندك اضطراب نفسي )
وبدال متكبري عقلك كبرتي مناطق اخرى في جسمك
الهايبو يا حبيبتي
هيا منطقة في الدماغ (منقدرش نسميها من الدماغ مي ياله نشرحلك على قد عقلك ) المسؤولية عن الغرائز الحيوانية في الانسان
راكي عارفا غريزة البقاء والتكاثر والجنس ،،، الخ
وبلاكي تحسبي بلي راكي عجبتيه نهار يشركرلك لاطاي تاعك
حبيبتي العاطفة والجنس عند الرجل مخزنين في مناطق مختلفة في الدماغ
عكس المرأة الي تخزنهم في نفس المنطقة
يعني متفرحيش اذا شفتي واحد بمدامتو مي يضل لاهث عليك
حبيبتي هي القلب والحب وانتي يشوف فيك فلم بورنو
،،،
مرانيش ندافع على الرجال بطبيعة الحال
لكن مام نتي اختي مشاركا في الظلم على روحك
احكمي قدرك ومقوليليش حرية
اذا تحبي الحرية
برا علينا فيزا وروحي لفرانسا ولا أمريكا
،،،
الأم مدرسة إن أعددتها أعددت شعبا طيب الأعراق
مرانيش نديرلك في درس شعر هنا
راني نفهم فيك علاه الأجيال نتاع ضرك " خامجين"
على خاطر وحدا كيما أنتي تزوجت بواحد كيما اللي كان يدراقي فيك وقريب مياكلك بعينيه
جابو مجموعة من الأوباش
،،،
أنتم مسؤولون على هذا الجيل
بلاااكي تسبي الجيل هذا على خاطر اللي خلاوه يتشكل نسا كيما نتي
الجسم الاكتومورف غير القابل لزيادة الوزن وتخزين الدهون
عمري 24 ووزني تيت تيت تيت
منقدرش نقولهولكم
على خاطر راني نوزن كيما كنت نوزن في قديم الزمان ملي كنت نقرا في ثالثلة متوسط
نظن راكم فهمتو بلي أنا نوع خارق من المجاعة
،،،
ما علينا
السبب الأول لحالة الهزال اللي عندي وراثي
على خاطر فاميلتي جيهة الوالد الحبيب كامل رقاق
السبب الثاني شهيتي معتبرة جدا
منقدرش ناكل بزاف وبالنسبة ليا الأكل هو عملية متعبة جدا يعني ناكل لقمة زوج نفشل ونكره نمضغ
هيهييهيهيهيهيهيهيه
متقولوليش أشربي هيبتاجيل
لأنو سبق وشربتو وسببلي جوع متواصل ونوم متواصل ودوخخخخخخة شديدة بطبيعة الحال
ومبعد بمجرد محبستو عادت ريما لعادتها القديمة
ماعلينا أصلا دارلي اكتئاب
السبب الثالث مزاجي ،،، صحيح أنا انسانة هادئة جدا ونادرا ما تهدر أو تصدر عنها ردود أفعال نارية
ولكن اذا كنت حزينة أ عليا ضغط فمستحيل ناكل وممكن نصوملك 3 أيام عادي جدا
ببساطة تتوقف عندي الرغبة في الأكل
السبب الرابع هو نوع جسمي اللي هو " اكتومورف "
ممكن أول مرة تسمعو بهذي المفردة
ولكن كاين 3 أنواع من الأجسام الاكتومورف ، الميزومورف ، والاوندومورف
نشرحهم كااامل لتعم الفائدة الاكتو اللي هو نوع جسمي نحيل دقيق البنية بالطبيعة وجلدو ناعم البنية العظيمة نتاعو صغيرة شبه مستحيل أنو يخزن الدهون في الجسم يعني حتى وياكل بزاف مرايحش يخزن دهون يقدر ياكل كل شي وهو مطمئن عندو معدل استقلاب أو أيض أو كيما تقولو يا المفرنسين ميتابوليزم عالي جدا جدا أي يحرق بصورة جنونية السعرات الحرارية نتاعو هذي هيا الحاجا اللي تخلي لازم عليه أنو ياكل كاربوهايدرات بكميات تفوق الوصف صعب جدا أنو يحافظ على وزنو فما بالك أنو يرفع وزنو كيمة صغيرة من العضلات تغطي عظمو " اونديري عظلاتو ضامرين هييهيهييهيه "
نظن كلشي مفهموم هنا بصح الحاجا اللي أنا مقدرتلهاش أني نزيد على واش راني ناكل 1000 سعرة حرارية للنهار انا في الاصل اذا استهلكت الكمية الاساسية 1000 فراني مليحة علهالك قررت أني نستهلك كالوريات مركزة بديت ناكل بروتين weight gainer يعني مكمل لزيادة الوزن كيما اللي ياكلوه جماعة الحديد أسمو hulk mass امممممم منقدرش نحكم عليه بحكم عدم خبرتي في المكملات ولكن شفت خويا شاريه قتلو نقدر ناكل معاك قالي أوكي عموما هذا وش كاين في الهالك ماس
الحقيقة مرانيش ناكل في الكمية الموصى بها واللي تزديك ب 2000 سعرة لأنو منيش نتعب بزاف في التمارين الرياضية نتاعي دونك مغرف وحدا نخلطها في الحليب وهي فرات ومرات قبل منرقد ثان ندير مغرف نخاف من الكاتابوليزم بما أنو حنرقد وحنقعد حوالي 8 سوايع بدون اكل الحقيقة انا انسانة موسوسة من المرض ونخاف على الكلى والكبد نتاعي بزاف دونك باش نتجنب أي ضرر ممكن يلحقو بيا المكمل اللي راني ناكل فيه نشرب ربع حبة ليمون في كاس ما بدون اضافة السكر كل صباح 20 دقيقة قبل الأكل باش نظف الكلى والكبد نتاعي والحاجة الزينة انو حتى لون بشرتي ولا مليح من هذي الطريقة yeeeeeyyyy نجو للسبور اللي راني ندير فيه بما أني أنسانة هزيلة فنتجنب الكارديو قدر الامكان والرياضات الهوائية وندير أكثر حاجا strength wourkouts أو تمارين القوة -_- متخافوش مدرتش عضلات كيما نتاع الرجال لكن شكل جسمي تحسن بزاف ووليت عبد بعدما كنت نص عبد ههههههههالبداية كانت صعبة لأنو في حياتي تقريبا مدرت رياضة منحكيلكمش على المرة الأولى كل عضلة في جسمي ولات توجع غير ماما تنوضني وتقعدني ولكن والفت مع الوقت كنت ندير التامرين نتاعي يوم بيوم يعني alternance بصح بعدها وليت ندير challenges يعني خدمة نتاع كل يوم هاهم ليكم شا راني ندير
كاين وحدين محطيتهمش عندي غير لي فيديو تاعهم معنديش صور المهم أصعب زوج حوايج جاوني هوما push ups و wall sit الوال سيت منيش نقدر نتبع المدة اللي مدوها هوما ندير اللي قدرت أنا عليها وصايي وpush ups سييت قبلها اشكال بدائية قبل منولي ندير الطريقة اللي تديرها الناس على خاطر تع الصح ذراعيا مكانوش يقدرو يرفدوني استغرفت مدة طوييييلة جدا وأنا ندير فيهم بهذا الشكل
بعد التمارين نشرب المكمل نتاعي أجمل حاجا أنو الفرق يبان في مدة قصيرة كي نقول قصيرة نقصد 15 يوم برك حبيت نقول اني السكوات ندير فيهم نورمال مرانيش نتبع في هذوك الجمل اللي مكتوبين في الصورة راهم يقولو counter balance box squat prisoner box squat بلا منكمل عرفتو شا راني نقصد ندير سكوات بالأوزان يعني نرفد وزن ثقيل كيما dumpels وصايي وسامحوني منعرفش لا نقولهم بالفرنسية لا بالعربية كلشي انجليزي ياه ونسيت نقولكم بلي ناكل في مسمنة نتاع فول الصويا ،،،المهم جسمي تعدل نوعا ما وجهي تعمر مرانيش ندير في السبور عندي وحد السمانة لأسباب صحية بصح نكمل عليه ان شاء الله لأنو جاب نتيجة باقي الشرح نتاع الاوندومورف والميزومورف مرة أخرى على خاطر تعبت أستودعكم الله
تغيضني الطفلة اللي خوها يضلي موراها
متلبسيش متخرجيش متهدريش متعمليش متقوليش
متقرايش متخدميش
تغيضني اللي تحب تدي بارمي يقولها خوها نو مخصكش
ايه ان شاء الله تجيك سكتة في نص الليل وميكونش كاين اللي يوصلك يا خنفوس
تغيضني اللي يقطعو عليها الويفي في الليل يقولولها نطلقوهلك غير في النهار
على أساس كون جات تحب تدير رايها متديروش في النهار
وهوما يمارسو كل أنواع المجون على الانترنت في الليل
،،،
أختو يعرف برك يقمعلها الكيان تاعها ويردملها شخصيتها
ماشي على خاطر يخاف عليها
مي على خاطر هو إنسان حيوان موسوس من كثر العيب والفضايح اللي دارهم مع البنات
حتى ولا يقولك البنات كامل كيفكيف ولا يقولك الرجال كامل كيفكيف ممكن واحد يلحس لاختي مخها
يا حبيبي هذو الرجال ماشي أنت
وهذي أختك ماشي البنات اللي كنت تشاتي معاهم وتهدر معاهم في التيليفون للربعة تع الصباح
وماذا بيك كي تولي عندك مرتك ولا بنتك تحكم فيهم كيما راك باغي
ولا مرتك تقطرلك الخل في عينيك ؟؟ وتدير شا قاللها راسها وأنت كي الطحان تتفرج وتضحكلها
أختك عندها باباها ويماها مالا متشقاش تلعبها الحرس الجمهوري
وراها كبيرة نظن ،،،
نحب نقولك الضغط يولد الانفجار
والمرا طبعها نتاع زكارة يعني ممكن تدير رايها غير باش تضحك عليك وتفهمك بلي يالي لاعبها فايق راني ماسحا بيك لرض
وانت لاخبر
علاه تقولها متخرجيش قولها اصبري نخرجو كيفكيف وتحط يدك في يدها وتنزه أختك وتتهلا فيها وتقصر معاها
علاه تقولها أمشي اغسلسلي حوايجي قولها ربي يخليك معليه تغسليهملي
علاه تخرج من فمك غير الهدرة الشينة القاسحة
علاه تقولها بدلي علينا جد ذي اللبسة قوللها ربي ميرضاهاش وثان انتي اختي وانا نغير عليك ومنحب حتى واحد يشوفك هكا
عيب راني راجل ونعرف الرجال شا يخممو كي تولي لابسا هكا
علاه متفهمهاش كل كلمة وكل تصرف يجي منك وتعرف غير تاكل في روحك
والأب والأم ربي يهديهم ثان
ميقولو والو لولدهم كي يشوفوه يحقر في أختو ويزير عليها بزاف
نتوما والدين ولا متفرجين
،،،
ربي يخليلي ماما نهار خويا يبدا يهدر هاك ولا هاك
تقولو باباهم مزال حي مدخلك فيهم
وأنا اللي ربيتهم ماك أنت ونعرفهم
وبناتي يعرفو وين يحطو رجليهم
أنت اللي نخاف عليك عس غير روحك
الحمد لله رب أكرم علينا بأم قوية
والحقيقة حتى خويا انسان مليح
ومهوش من النوع اللي يقمع آراء البنات ويسمع ويتناقش عادي
الثلاثاء، 5 أبريل 2016
https://media.giphy.com/media/d2Zf9MHEKSRDwO7S/giphy.gif
حالتي كي يسقسوني على حاجا أنا اللي خبيتها مي نسيت وين
الأحد، 3 أبريل 2016
لم يحبك ولن يفعل
4
خيم السكون على القصر مرة أخرى
وأدركت ...
انك ستكونين فقط مع (كريس) وله فقط
لم يهمني الأمر آن ذاك
لكنني اليوم ممتن وشاكر لقاتلي وآسري
مدين بكل شيء للقدر
الذي لم يردك لأخي
ولم يرده لك
...
أخرجك كريس من غرفته
ورفضك كيانا وشخصا
ولو أنه عرفك يومها
لكنت خسرتك
وخسرت يوم البعث
لم يحبك كريس ولن يفعل
...
ما أجمل أن يقف القدر الى جانبك متسترا
في اللحظة التي تظن فيها أنه قد تخلى عنك تماما منذ يوم
بعيد
هكذا حدث معي
لم أعلم أنك هديته لي
لم أعلم أنها كانت أنت وليست سواك
... لو كنت عرفت في ذلك اليوم لخبأتك بعيدا عن جميع
العيون
... لنفيتك بعيدا الى زنزانات قلبي
... لكنت أنانيا في حبك
... لأردتك لي
لي أنا فقط
شعرت بالخوف
3
فجأة ... التقت عيناي عينيك الغارقتين في الدموع
كانتا مليئتين بالخوف
والخوف ... والخوف
سرعان ما انتقل خوفك إلي
وأحسست أنه علي فعل شيء ما
شيء لم أعرفه وقتها
لكني اكتفيت بالهروب من صراخك ودموعك وربتت على كتف
(كريس) الغاضب
وقلت في منتهى البرود :( اعتني بها )
كان هذا مصير أخي الغالي ولم أتمكن من فعل شيء
لم أتمكن من منع أبي من تزويجك إياه
كنت فقط أتقبل كل شيء
ثم كان مصيرك أنت ...
وجرحك أنت
مالسر فيك آنستي ؟
2
أذكره كما لو أنه حدث البارحة
انه يتسلل عائدا إلى ذاكرتي كلما أخرجته منها
... ربما لأنه اليوم الذي دخل دفئك فيه قلوبنا
الباردة
أو لأنه أول ذكرى جمعتني بك وقد خذلتك فيها
كنت تبكين ورجال والدي يجرونك الى داخل القصر
نظرت إليك
وفكرت
لما اختارك والدي زوجة لأخي (كريس)
لم تبدي ثرية جدا أو جميلة جدا
...
أدركت أن والدي رأى شيئا فيك
لم نكن نحن لنراه
... مالسر فيك آنستي حتى يتكبد أبي عناء اختطافك ؟
مالذي لا تراه عيناي
أخبريني آنستي
...
هكذا بعثت
هذي قصة كتبتها عنوانها هكذا بعثت
ان شاء الله تعجبكم
مزال مكملتها
ولكن الجزء الأكبر منها تم
نبدا بالجزء
وكل جزء عندو رقم
1
،،،
،،
،
كنت قبلك إنسانا بدون هوية
ان شاء الله تعجبكم
مزال مكملتها
ولكن الجزء الأكبر منها تم
نبدا بالجزء
وكل جزء عندو رقم
1
،،،
،،
،
كنت قبلك إنسانا بدون هوية
تاريخ مليء بالثغرات والانقطاعات الزمنية
عبد للحزن
وأسير لسجون الوحدة
كنت غاضبا على نفسي وناقما على الحياة
لم أرد أي شيء من أي أحد
ولم أهب أي شيء لأي أحد
لم يكن بإمكاني الأخذ والعطاء
كنت ميتا لا ريب
إلى أن جئت أنت لتبعثيني من جديد
وترمي ببياضك فوق سوادي
وبحنانك فوق قسوتي
وبدفئك فوق برودي
وبابتسامتك فوق عبوسي
شعرت بشيء غريب كالوخز في صدري
كان ذلك نبض قلبي
لم ينبض هكذا من قبل
كان غارقا في الرتابة حتى نسيت أمر وجوده
هاهو الآن يختبر شعورا جديدا لم يألفه يوما
... هكذا اجتحت قلبي ... مملكتي النائمة
فدعيني أتوجك ملكتي
ولا تكوني إلا لي
ليشت ...
...لم أكن أعلم حين رأيتك تدخلين قصرنا لأول مرة أنك الفتاة التي
ستكسر لعنة الحياة التي أصابتني
...لم أكن أعلم أنك الفتاة التي ستشتتني وتجمعني كما تشاء
... لم أكن أعلم أنك الوجه المستحدث للحياة
من قبل كنت أؤمن بأن الحياة خدعة
... صورة... انعكاس
... انعكاس للموت في مرايا الزمن
فما أجمل صورة الموت في مرآة
الكل حدد موقفه
... حي ... ميت
لكني كنت عالقا
لم يستطع شيء انتشالي إلى هذا أو ذاك
بين الحياة والموت ... بين الجسد والروح
سجنت أنا
خلف المرآة ولدت وعشت سنينا طويلة انتظر من يخرجني
... أنتظرك لتبعثيني
الاشتراك في:
الرسائل (Atom)